لوحة الإعلانات

سلسة (تعال نساعدك) الموصلات وازاي توصل للجامعة ح 2

مشاركة غير مقروءةبواسطة science_union » الجمعة أغسطس 27, 2010 10:42 pm


السلام عليكم ورحمه الله
عدنا اليكم من جديد ومع الحلقه رقم 2
وكنا خلاص اتفقنا فى الحلقة ال فاتت رابط الحلقة رقم 1
اننا هنوضح فى الحلقة دي عن ازاي توصل للجامعة وفين هى الجامعة واين تقع كلية العلوم

يعتبر الفرع الرئيسي للجامعة وقلب الجامعة هو الفرع الذي يوجد فى محافظة القاهرة وذلك لاحتوائه على 21 كلية 14 بنين و7 بنات في حرم جامعي واحد مع فاصل بين حرم الجامعي البنين عن البنات وأيضا لاحتوائه على إدارة الجامعة والتي مسئوله عن جميع كليات الازهر ال 65 كلية من أول أسوان لحد إسكندرية .

دلوقتى هاتسال فين الجامعة دي بالظبط هقولك فى مدينة نصر بالتحديد بين محطة مسجد رابعة العدوية ونادي السكة على طريق الاتو استيراد .

طيب اكيد انت عاوز تعرف تركب ايه علشان توصل للجامعة بس يامان احنا هنحط فى الموضوع دا ارقام الاتوبيسات الحكومية ال عرفت اجيبها ليك وممكن يكون فى ارقام اتلغت فابردوا يرجاء التاكد ومش عيب انك تسال وانت فى أي مكان وعلى راي المثل
الغريب اعمى ولو كان بصير

وفى بردوا حاجة مهم خليها فى دماغك هاقلق على 3 اماكن يعبر سنتر أي مكان يوصلك للجامعة على طول
1- قريب من رمسيس اركب أي حاجة رمسيس ومن رمسيس اركب عربيات كتير اوي بتعدي على جامعة الازهر والحى السادس والحى السابع .
2- وممكن بردوا لو انت قريب من محطة مترو اركب المترو واسال واقلهم انا عاوز انزل محطة حدائق القبة ومن هناك بردوا فى عربيات كتير بتعدي على جامعة الازهر ال فى مدينة نصر
3- اما لو كنت فى موقف العاشر اركب بردوا من هناك عربيات رابعة جامعة الازهر
وحاجة مهم جدااااااا لما تنزل من العربية اوعى تعدي الطريق السريع مهما كنت متاخر اطلع وعدي من فوق السلم المشاه علشان ربنا يسترها خمس دقائق تاخير احسن بكتير ما يكون تمنهم هو حياتك وسلامتك

كدا تقريبا لو الدنيا قفلت معاك هاتعرف توصل للجامعة ان شاء الله هنتكب مع بعض ارقام الاتوبيسات الحكومة



الخط
الاتجاه
الدراسة – الحي السادس
69
العتبة – الحي الثامن
339
العباسية – الحي العاشر
600
بولاق الدكرور- الحي الثامن
602
الحدائق- الحي العاشر
704
المطبعة- الحي العاشر
727
شبرا الخيمة- الحي العاشر
950
السلام- الدراسة
926
بولاق الدكرور – الحي السابع
182
السلام – السيدة عائشة
التحرير- الحي السادس
28ج
رمسيس – الحي السادس
178
رمسيس – الحي العاشر
346
امبابة – الحي العاشر
700
ميدان لبنان – الحي السابع
710
المظلات- الحي السابع
731
الزاوية – الحي العاشر
733
شبرا الخيمة – الحي العاشر
990
مساكن عين شمس – المنيب
17
النهضة – السيدة عائشة
87
جامعة الأزهر- كلية البنات- مدينة 15 مايو- حلوان


لو انت عاوز تعرف كل ارقام الاتوبيسات الموجود فى القاهرة يرجى زيارة الرابط الاتى بس ربنا معاك لانهم كتير اوي

اضغط هنا science-union

تمام اوي كدا ياريس انت كدا ان شاء الله عرفت ازاي توصل للجامعة وعلى فكرة مش عيب انى الواحد يسال او يستفسر عن حاجة فى الموصلات علشان متهش
دلوقتى انت واقف اما أي بواية من بوبات الجامعة لو الامن ال على البوابة قلك كارنيهك طلع ليه بطاقة ترشيحك طب لو انت نسيتها بكل زوق وابتسامه بسيط كدا منك وقله بعد اذنك انا مش معايا الكارنية علشان انا سنة اولى وبردا مش معايا بطاقة الترشيح ان شاء الله هادخل عادي وانت داخل قول له ممكن بعد اذنك اوصل لكلية علوم ازاي هايشرحلك الطريق ولو مفهمتش منه الطريق اسال أي حد تانى وانت ماشي والحمد لله وصلت لكلية العلوم بعد طول موصلات وعناء معلش انت هاتتعود على كدا ان شاء الله بسرعة
انت الان امام كلية العلوم انا عارف انك شايف مبانى كتير وانك محتار وعاوز تعرف كل مبنى ايه نظامه احنا يهمنا مبنين بس مبدائيا

مبنى القديم والمبنى الجديد



بعد كدا دي صورة المبنى القديم او مبنى ادارة الكلية او مبنى الكيمياء وان شاء الله هانشرح المبنى فى وقته





بعد كدا دا المبنى الجديد او مبنى فيزياء ورياضة





تمام اوي كدا يامان انا عارف بقى دلوقتى انه فى دماغك اسئلة كتير وانك عاوز تعرف الشعب ال موجود وعاوز تعرف يعنى ايه جدول محاضرات ويعنى ايه سكاشن وبردوا اكيد انت عاوز تعرف هتعمل ايه داخل الكلية فى اول يوم من ايام الجامعة كل الاجابات دي ان شاء الله هتلقيها فى الحلقة القادمة ال وهى حلقة الخاصة بالتشعيب
للعودة الى فهرس سلسة تعالى نساعدك
viewtopic.php?f=35&t=2972
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة Mohamed Mehanny » الجمعة أغسطس 27, 2010 11:50 pm

رائعة ياعبده السلسة دى
بس انا عايز اضيف بعض المواصلات
بالنسبة للاتوبيسات الكبيرة
انا هاكتب خط سير كل اتوبيس لحد الجامعة
27 ج جامع عمرو - تحرير - رمسيس - عباسية - جامعة
569 جامع عمرو - تحرير - رمسيس - شارع مصر و السودان - الحدائق - جامعة
80/ الدراسة - البعوث - جامعة
555 المنيب - الجيزة - السيدة عائشة - جامعة
855 المنيب - فم الخليج - السيدة عائشة - جامعة
998 التحرير - رمسيس - عباسية - جامعة
998/ احمد حلمى - رمسيس - عباسية - جامعة

فى الاتوبيسات الصغيرة ( المينى باص ) الأخضر
1 المظلات - شارع شبرا - رمسيس - عباسية - جامعة
304 المظلات - ابو وافية - الزاوية - الحدائق - المعرض - جامعة
30 التحرير - رمسيس - عباسية - جامعة
167 ميدان لبنان - تحرير - رمسيس - عباسية - جامعة
302 ميدان الجيزة - تحرير - رمسيس - عباسية - جامعة

نروح بقى على الميكروباصات
التحرير : اسئل على ميكروباص مكرم عبيد وقوله نزلنى جامعة الازهر
رمسيس : هتلاقى قدام جامع الفتح عربيات بتقول جامعة الازهر والحى السابع
احمد حلمى : اسئل على عربيات جامعة الازهر او مكرم عبيد وقوله نزلنى جامعة الازهر
السيدة عائشة : هتلاقى ميكروباصات كتير اسئل على الى بيعدى على جامعة الازهر
الحدائق : عربيات بتقول جامعة زراعة او الحى السابع

انا ده كل الى فاكره ولو افتكرت حاجة تانية هحطها إن شاء الله
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6824
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة eng a.fatoh » السبت أغسطس 28, 2010 12:10 am

ههههههههههههههههه جميل جد والله كده هما مش هيتعبوا خالص يا عبدوه جاتلهم على الطبطاب هههههههههه مش ناقص الا تجبلهم الشقق الى هيسكنوا فيها لو حد فيهم ما جتلوش مدينه
سبحان الله وبحمده سبحان الله العظيم
صورة العضو الشخصية
مشرف
 
مشاركات: 1847
اشترك في: مارس 2010
الشعبة: جيولوجيا-كمياء
الفرقة: الثالثة
مشاركة غير مقروءةبواسطة sonson » السبت أغسطس 28, 2010 12:18 am

بجد مجهود رائع
تسلم ايدك
صورة العضو الشخصية
عضو ذهبى
 
مشاركات: 577
اشترك في: يوليو 2010
الشعبة: بيولوجى
الفرقة: الرابعة
مشاركة غير مقروءةبواسطة science_union » السبت أغسطس 28, 2010 1:11 pm

شكرا على مرورك يامهنى وعلى الاضافات الجميلة دي وطبعا لو افتكرت اي ارقام تانية يارت تحطها وعلى فكرة يامهنى فى رابط فيه كل ارقام الاتوبيسات لو تفتحة اكيد هاتفتكر الارقام بسرعة بس ربنا يعينك لانى فى ارقاااااااام كتير اوي ههههههه
ونورت الموضوع
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة Mohamed Mehanny » الأحد أغسطس 29, 2010 4:48 pm

science_union كتب:شكرا على مرورك يامهنى وعلى الاضافات الجميلة دي وطبعا لو افتكرت اي ارقام تانية يارت تحطها وعلى فكرة يامهنى فى رابط فيه كل ارقام الاتوبيسات لو تفتحة اكيد هاتفتكر الارقام بسرعة بس ربنا يعينك لانى فى ارقاااااااام كتير اوي ههههههه
ونورت الموضوع

هههههههههه
عينى ليك ياعبده
وممكن انت تفتحه وانا عارف انك هتفتكر اسرع منى
ههههههههههههه
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6824
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة science_union » الاثنين أغسطس 30, 2010 2:01 am

eng a.fatoh كتب:ههههههههههههههههه جميل جد والله كده هما مش هيتعبوا خالص يا عبدوه جاتلهم على الطبطاب هههههههههه مش ناقص الا تجبلهم الشقق الى هيسكنوا فيها لو حد فيهم ما جتلوش مدينه

شكرا على مرورك الجميل يابو الفتوح ونورت السلسلة
بس هو انت اعد معايا ولا ايه يابوالفتوح ههههههه لانى ان شاء الله هانتكلم على مووضع تاجير الشقة والكلام دا فى حلقلة بس بعد التشعيب باذن الله
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة science_union » الجمعة سبتمبر 03, 2010 1:03 am

sonson كتب:بجد مجهود رائع
تسلم ايدك

ربنا يخليكى وشكرا ليكي
ونورتى الموضوع
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة m.elpoghdady » الجمعة سبتمبر 03, 2010 11:04 pm

تسلم ايدك ياعبده ربنا يجعله فى ميزان حسناتك

باذن الله
لا اله الا الله .. محمد رسول الله .. صلى الله عليه وسلم
صورة العضو الشخصية
عضو ماسى
 
مشاركات: 1039
اشترك في: مارس 2010
مكان: DO0O0MIAAT
الشعبة: chemistry
الفرقة: graduate
مشاركة غير مقروءةبواسطة science_union » السبت سبتمبر 04, 2010 1:10 am

m.elpoghdady كتب:
تسلم ايدك ياعبده ربنا يجعله فى ميزان حسناتك

باذن الله

امين يارب وشكرا على مرورك ياحبي
ونورت الموضوع
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة

التالي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار


العودة إلى منتدى الفرقة الأولى