لوحة الإعلانات

سلسة ( تعال نساعدك ) بعض النصائح البسيطة حلقة 5

مشاركة غير مقروءةبواسطة science_union » الخميس أكتوبر 28, 2010 11:57 pm


السلام عليكم ورحمه الله وبركاته
قبل ان ابدا فى الحلقة الجديدة اود ان اعتذر عن تاخير نزول الحلقة وذلك لاسباب شخصية وارجو ان تقبلو اسفى
اخواننا طلاب الفرقة الاولى مرحبا بيك معنا من جديد فى سلسة ( تعال نساعدك ) لمرجعة الحلقات الماضية
http://www.science-union.com/phpBB3/viewtopic.php?f=35&t=2972#p16327

ان شاء الله فى هذه الحلقة سوف تكون مخصص لبعض المعلومات والمواضيع والنصائح البسيطة جدا لعلها وعسى ان تفيد احدكم

اولا ارجو من الجميع مراجعة الحلقة الاولى والخاصة بالرضا
وايضا وضع كلمة داخل عقلكم ومبدا ماشين عليه متسمعش أي كلام من أي حد والسلامة وسيبك من ال يقلك انك دخلت كلية الموت برجليك وانك مش هاتعدي من الكلية وانى مستقبلها وحش ورد عليه بكل بساطة وقله انت اصلا تعرف ايه عن كلية العلوم
(ولكن الكلام دا ممكن يبقى صح لو انت معرفتش تفهم الكلية صح ونفضت ليه )
وحاجة لازم نتفق عليها من دلوقتى كليتنا طبعا مش سهل ومش كلية التنفيض وكل مجتهد ليه نصيب ومع الحضور والتركيز ان شاء الله ربنا هايوفقكم وتجيب تقدير لانى فى الكلية فى ناس بتجيب تقدير وانت مش ناقص حاجة عنهم
تمام كدا يبقى احنا اتفقنا على انك لازم تتعب شوية فى الكلية وانى ربنا هايوفقك
ولو حاجة حصلت ليك يبقى اكيد خير ليك ومحدش عارف ربنا كتبله ايه ولكن يكون انت عملت ال عليك
ولكن قبل ان نتكلم فى بعض الامور يجي الاول شرح الجدول حتى تستطيع فك رمز التشفير
على سبيل المثال


ارجو من الجميع ان يركز معى فى هذا الكلام
كل ما هو بين ( ) فهذا يعنى رقم المدرج اوك كدا والمدرج معناه المكان الذي يعطى فيه المحاضرة
اما [ ] فهذا رقم المجموعة لانى طبعا زي ما انتوا عارفين انه استحالة الدفعة تشتغل فى المعمل فى وقت واحد علشان كدا يتم تقسمهم الى مجميع وكل واحد ليه رقم مجموعة معين وهو دا ال بيبقى مطلوب منه انه يحضر فى المعاد بتاعه اشطه لحد هنا
طب دلوقتى المدرجات فين
من 1 الى 10
1-2-3-4-5-6-7-8-9-10
فى مبنى الكيمياء ال هو المبنى القديم

طيب اي مدرج رقمه زي نظام الفنادق يبقى فى المبنى الفيزياء ال اهو المبنى الجديد
بمعنى اي مدرج قبله 0 او رقمه 101 او 201 او 301 او 202 وهكذا
لحد كدا موضوع الجدول اتفهم 1-2-3-4-5-6-7-8-9-10
ملحوظة كل المحاضرات ال فى مدرج 1 او 2 بقت فى مدرج 301 و 302

السكاشن فين
سكاشن الفيزياء فى بدروم مبنى الفيزياء والرياضة
سكساشن الحيوان فى مبنى الكيمياء الدور الارضى
سكاشن الجيولويجا الدور التالت مبنى الكيمياء
سكاشن النبات الدرو الرابع مبنى الكيمياء
سكاشن الكيمياء فى مبنى الكيمياء فى الدور الاول وممكن تكون منقول الايام دي

ندخل بقى على بعض الحاجات البسيطة

1 - المحاضرات بدت والدكاتر دخلو واشتغلوا طبعا مش كلهم بس الاغلبية يبقى اول حاجة اعملها الانضباط طب فى حاجات كتير فاتت منى يبقى اشوف حد من صحابى وانزل اصورها منه فى اي مكتبة طب انا عاوز المحاضرات دي ومش عارف حد من صحابى يبقى انزل المكاتب ال قدام المدينة واصور ال انا عاوزه من هناك

2- السكاشن ثم السكاشن ثم السكاشن اي حد يقلك نفض لسكشن مع احترامى ليه دا مش بيحبك ولا عاوز ليك الخير
لانى اهم حاجة السكاشن لانها عليها 40 % من المجموع يعنى انت لو واخد فى العملى 0 لو عملت شبح مش هاتعرف تقفل النظري علشان تاخد 60 % ال هى نسبة النجاح فى المادة وبالتالى نسبة نجاحك معدومة

3 - الدكاتر كل دكتور وليه نظامه فى التعامل والاجابة بمعنى فى دكتور لو قال انا عاوز الاجابة فى الامتحان تبقى من المحاضرات ومحدش يكتب ويحل ال بالطريقة بتاعت المحاضر يبقى على طول الكلام يسمع ومحدش يعمل نفس انصح من الدكتور ويحل بطريقة تانية
فى دكاتر بتمنع دخول حد بعدها يبقى خلاص انت عرفت نظام الدكتور دا ايه متروحش وتستاذن منه او تخبط على الباب
فى دكاتر تانى تقولك ادخل واخرج برحتك بس من غير اي دوشة ولا استاذن يبقى خلاص متروحش وانت داخل تخبط وتبصله فى عينه وتقله السلام عليكم يادكتور ممكن ادخل
الحجات البسيطة دي بتبقى ليها تاثيرات ولو بسيطة على الدكتور

حاجة مهم جداااا لكل طلاب الكلية وكل مدرج ادخل لازم اقلها
4 - الحب ايو الحب ولكن مش المعنى ال دمغكم راحت ليه ههههههه
الحب بين بعضنا كل واحد فيك يحاول يحب اصدقائه ويتمنى ليهم الخير واوعى فى يوم تكره لصحبك الخير او تتمنى ليه الشر علشان مش دي صفات الطالب الازهر المسلم
فىيها ايه لو كان معاك حاجة او ورق وعارف انه هايفيد صحابك انك تصوره ليهم وياخدوه انا عاوز اعرف هاتفقرق معاك ايه وتخيل انك لو خليت نيتك ان من مبداك تعليم المسلمين علشان يتفوقوا تخيل كمية الحسنات ال انت بتخدها وتخيل بقى فى علم ومحاضرات ممكن تعد اجيال وتفيد ناس كتير اوي وامثله على كدا
طبعا ابدا بالكينج واول واحد ساعد كل طلاب الكيمياء وتقريبا محدش فينا شافه او يعرفه معرفة شخصية ال وهو الاخ محمد الطحان طالب كل طلبة كيمياء بيزكروا من ورقه لحد الان وبردوا الاخ ال ديما كان بنفسوا بعض على الخير هو احمد الظريف وبردوا الاخ عبدالرحمن ال كاتب للفرقة الثالثة معظم المناهج كمبيوتر والاخ ناصر ال حال اسئلة الدكتور همام وغيرهم كتير وكتير من الاخوة ال وضعوا مساعدة الغير وطلب الثواب من رب العالمين

5 - الاحتكاك بمعنى ايه يعم ساينس بمعنى انك لازم تعمل علاقات مع صحابك ولازت تطلع من المود االانغلاق علشان الما تنحط فى موقف يبقى شكلك كويس وتعرف تصرف مش تلف حولين نفسك وخلى فى عقلك انى الاصدقاء هم الذين يبقون بعض التخرج فحاول بقدر الامكان تختار اصحابك ويكونوا اصحاب خير يعنوك على الحياة والكلية

6 - احترام الاخرين حتى لو كان عامل بسيط لازم تحترم كل من تقابلهم وبالذات الموظفين بتوع الشؤن وعملهم بكل ادب علشان الناس دي بتبقى مضغوط جدا ومحتاجة حد يضحك ويبتسم فى وشهم

7 - حاجة تانية بردوا متابعة النشاط بمعنى لو الكلية او اتحاد الطلاب عامل نشاط حاول تشترك فيه على الاقل تطلع من المود بتاع المذكرة والكلية مفيش مانع انك تسجل فى دروة الكورة او دورة البلاستيشن او تطلع معهم رحلة والخ

كفاية كدا الحلقة دي وان شاء الله الحلقة القادمة سوف نتكلم على التقديرات وكمان على مجموع المواد بتاعت الدفع كلها ودي هحاول اجبها يوم السبت ان شاء الله

مع تحيات اخوكم/ عبده فهمى
للعودة الى فهرس سلسة تعالى نساعدك
viewtopic.php?f=35&t=2972
صورة العضو الشخصية
مدير الموقع
 
مشاركات: 4059
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة Mohamed Mehanny » الجمعة أكتوبر 29, 2010 1:11 am

الله عليك ياعبده
الكبير كبير ياكبير
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6626
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة Islam Alaa Wahdan » الجمعة أكتوبر 29, 2010 3:33 am

تسلم ايدك يا كبير والله دايما متميز
جزاك الله خيرا
صورة العضو الشخصية
عضو نشيط
 
مشاركات: 138
اشترك في: ديسمبر 2009
مكان: science union azhar
الشعبة: كيمياء خاصه
الفرقة: الثالثه
مشاركة غير مقروءةبواسطة AMAAK » الجمعة أكتوبر 29, 2010 11:28 am

ايه يا عم عبده ده احنا كنا قربنا ننسي السلسله ههههههههه بس جزاك الله خيرا علي المجهود
صورة العضو الشخصية
عضو مشارك
 
مشاركات: 95
اشترك في: سبتمبر 2010
الشعبة: كيمياء
الفرقة: الاولي
مشاركة غير مقروءةبواسطة احمد كمال » الجمعة أكتوبر 29, 2010 2:03 pm

ما شاء الله عليك موضوع هايل بجد ربنا يجازيك كل خير وربنا يتقبل منك
صورة العضو الشخصية
عضو فعال
 
مشاركات: 252
اشترك في: نوفمبر 2009
الشعبة: كمياء
الفرقة: تانيه
مشاركة غير مقروءةبواسطة sonson » الجمعة أكتوبر 29, 2010 9:54 pm

جزاك الله كل خير على هذه السلسلة
صورة العضو الشخصية
عضو ذهبى
 
مشاركات: 577
اشترك في: يوليو 2010
الشعبة: بيولوجى
الفرقة: الرابعة
مشاركة غير مقروءةبواسطة سمكة » الثلاثاء أغسطس 09, 2011 4:19 pm

جزاك الله خيرا
صورة العضو الشخصية
عضو جديد
 
مشاركات: 3
اشترك في: فبراير 2011
الشعبة: كيمياء
الفرقة: الاولي
مشاركة غير مقروءةبواسطة science_union » الأربعاء أغسطس 17, 2011 4:59 pm

شكرا على مروركم
صورة العضو الشخصية
مدير الموقع
 
مشاركات: 4059
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة m.elpoghdady » الخميس أغسطس 18, 2011 2:04 am

تسلم ايديك يا حبى ربنا يجازيك خير ان شاء الله
:ss:
اموت واعرف مدرس الالعاب اللى اداك عربى ف ابتدائى
لا اله الا الله .. محمد رسول الله .. صلى الله عليه وسلم
صورة العضو الشخصية
عضو ماسى
 
مشاركات: 1039
اشترك في: مارس 2010
مكان: DO0O0MIAAT
الشعبة: chemistry
الفرقة: graduate
مشاركة غير مقروءةبواسطة science_union » الخميس أغسطس 18, 2011 4:57 am

منور يابغدادي وربنا يخليك لى ياحبي وطبعا انا عارف انى سي جدا فى الاملاء ومش عارف هادخل جيش ازاي بالعيب الخطير دا هههه
وطبعا دا اقباس لي فى احد الحلقات لانى بقيت الووون فى السلسة ومبقاش فى حد بيرجع معايا
ملحوظة بسيطة اعتذر لكم مسبقا لو وجدتوا اي اخطاء املائية وذلك لعد وجود من كان يقوم بمراجعة الحلقات معى ولكن ان شاء الله ميكنش فى اخطاء كتير
صورة العضو الشخصية
مدير الموقع
 
مشاركات: 4059
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


العودة إلى منتدى الفرقة الأولى