لوحة الإعلانات

رساله لكل طالب ف علوم

كل ما يتعلق باخبار الكلية والاخبار العلمية
مشاركة غير مقروءةبواسطة m.elpoghdady » الثلاثاء أكتوبر 12, 2010 8:41 pm


بسم الله الرحمن الرحيم

السلام عليكم ورحمة الله وبركاته

ازيكوا يا.... يا..... ازيكم يابتوع علوم اصل بصراحه مش عارف

هو احنا ايه تصنيفنا بالظبط (ماتفهموش غلط احنا بنى ادمين طبعا)

بس مش عارف يعنى اقولكو يا دكاتره او يا باشمهندسين يااساتذه او حتى يا كباتن

بيقولوامشكلتنا الحقيقيه ان احنا الوحيدين اللى معملناش لنفسنا برستيج اه والله هيا ماشيه كده برستيج وشكل ومسميات مش اكتر ولا اقل بتوع طب المفروض اسمهم اطباء لحد ماياخدوا دكتوراه يبقى اسمهم دكاتره ومع ذلك ماضيعوش وقت سموا نفسهم دكاتره من اولى كليه

بتوع هندسه لقوا مهندس تقيله شويه سموا نفسهم الباشمهندزين

بتوع صيدله اسمهم صيادله سموا نفسهم دكاتره مع ان نادر جدا لما تلاقى حد منهم بيحضر ماستر ولا دكتوراه بس برافو عليهم خدوها فرده(عافيه)

اما احنا المساكين ماتعرفلناش اسم ولا لقب ولا عنوان واحد يقولك يا استاذ يا ابوالكباتن يا كوتش هوا وكرم اخلاقه عشان كده اجتمعت لجنة(انا ف علوم واتفشخر)وجمعية (انا خريج علوم ونفسى اشتغل)برئاسة الحاج حامد(ض)امين وقررت تعمل لنا لقب بروفيسور لا لا تقيله نخليها

بروف(لا على وزن دوغف)مش حلوه

ساينتست(مذكر عالمه متنفعش بردوا) مستر بردو لا هايفكروك

مدرس



انجليزى


ولا

لما ييجى عمك الحاج يسالك انت ف كلية ايه يابنى هاتقولوا ايه

انا ف كلية علوم يقولك علوم اااه ما شاء الله ماشاء الله وهاتطلع منها ايه ان شاء الله

اوباا هاتقول ايه ساعتها اوعى تقولوا كيميائى ولا جيولوجى تبقى مصيبه هايأعد يضحك يا هايسيبك ويمشى لوانا بريح نفسى واقوله نقاش اد الدنيا ساعتها هايقولى ربنا يوفقك يابنى

معنى الكلام دا ان احنا مهمشين وملناش قيمه وحقوقنا ضايعه..صح؟

يا جماعه استنو شويه ماتزعلوش

مش هوا دا الكلام اللى ببيدور ف دماغنا ودا الاحساس اللى وصلنا له

الكلام دا قريب من الواقع

بس للاسف دى قبل ماتكون مشكلة ثقافة مجتمع دى مشكلتنا احنا ايون

مشكلتنا احنا واحد بيقول ازاى

انى اجولك

احنا انفسنا ماقدرناش ولا احترامنا مكانة كليتنا ومنزلتها بين باقى الكليات

قولنا لنفسنا فكك طالما ماجاش طب ولا هندسه زيها زى اى كليه نتخرج اشتغلنا اشتغلنا مااشتغلناش مااشتغلناش متشتغلناش انت بس هوا انا ياعنى هاطلع زويل

كده يامعلم يادوب تلحق كرسى فى القهوه(قهوه العواطليه والمحبطين امثالك)

او تقعد ف البيت من الوقتى وتستنى عدلك (بنت الحلال)....ابق قابلنى

ولا تهوب الكليه ولا تتعب نفسك من اساسه يا باشا

(بدات اتعصب)

كلية العلوم مش درجه تانيه ولا عمرها هاتبقى كده (الا لواحنا اللى عايزين كده)

وبايدنا بس نخليها درجه اولى لا ممكن كمان الدرجه الاولى

زى ماهيا ف دول تانيه كتييييير

السبب ان الناس دى اهتموا بالعلم والعلوم وعرفوا ان دا سبيل تقدمهم ووصولهم

لكل اهدافهم

واحد يقولى اديك قولت ف بلاد تانيه يعنى مش مصر

ارقد بقى

انا معاك بس من غير مارقد

عايز اقولك دى امور مسيسه بمعنى ان اعدائنا هما اللى عايزينا نفضل متاخرين

عنهم وفى ذيل الركب ويفضل بينا وبينهم عشرات السنوات الضوئيه

عن طريق التدخل ف نظام التعليم بغرض تطويره(تبويظه)ومشاكلنا الاقتصاديه والديون والحروب النفسيه وما ادراك ما الحروب النفسيه

والوان التغييب والتضليل

ولو على الامكانيات فمصر من اغنى دول العالم بمواردها بدليل انها الدوله الوحيده اللى بتتسرق من الفين سنه ولسه بخير(امسح الجمله دى يامهنى)



بس السؤال هنا هل انت عملت اللى عليك ولا قولت فكك منى انا هارقد

دى الدنيا خاربانه انا يعنى اللى هاصلح حال البلد

ليه لأ اكيد ممكن اتفقنا ان سر تقدم اى شعب العلم والعلوم

هااو(ازاى يعنى)

ابدا بنفسك اهل نفسك العبره مش بالاسماء ولا الالقاب انا افتخر انى طالب

مسلم ازهرى بكلية العلوم مش مهم يبقى اسمى دكتور ولا مهندس ولا تمرجى

المهم انا بأدى ف مجالى وابدع فى تخصصى بستفيد من اللى بتعلمه بحاول اطور من نفسى ولا ولا

وعمر العبره ماكانت بالشهادات حتى ف البلد بتاعة الشهادات

العبره انت تعرف ولا لأ فاهم ولا لأعندك علم ولا لأ

بصراحه كده الكليه(بتاعتنا مثلا) بتخرج كل سنه ييجى الف طالب

كام واحد منهم متمكن ف مجاله وقارئ عن تخصصه

انا (والعياذ بالله منها)المفروض ف رابعه السنه دى يعنى

تحصيل حاصل والكيميا عندى بمثابة انشكاح الاملاح اخر امتحان شفوى امتحنته ف 3الته كنت انا وعبده دخلنا ع الدكتور يحيى

حبيب الملايين سالنا اساله على حد كلامه دى حاجه تافهه يابنى دى اساسيات كيميا

كل مايسال سؤال عبده مبرق وانا فاتح بوقى

واساسيات (وحوى )وتقولولى مين السبب

بنتفرج ع ت ف يوميا ساعه و2نين و3لاته

طب وفر ساعه اقرا حاجه تفيدك

بنام ف اليوم 8 لعشر 10 ساعات

ياسيدى خليهم 6 استثمر وقتك ف حاجه تريح عقلك وتبسطك من نفسك

مش تعود نفسك الانتخه والكسل

ولّا النت (للنتيته) بنعد بالساعات ندش ف الفاضى اشى فتيس بك واشى ياهو مزينجر نجرب مره ندش ف المليان

نعرف معلومه جديده نقرا مقال مفيد الخ الخ

من الاخر يا جماعه مفيش حد هاينفعك الاانت ولو ماخفتش على مصلحتك

مين هايخاف عليها؟

بعد دا كله مينفعش نقول ان المشكله ف الكليه

دى الكليه من اجمل اقدارنا لانها فرصه فى جلب احترامنا لانفسنا واحترام الدنيا كلها لينا بس لواحترمنا عقولنا وغذيناها

بالغذا المفيد

كلية العلوم كلية العلماء (شئتم ام ابيتم)

دا معظم علماء العالم ان لم يكونوا كلهم متخرجين من علوم

وبمصر

·
خرجت العالم الدمياطى (بلدنا)الدكتور مصطفى مشرفه(اينشتاين العرب)

·

·طلعت العالم الفذ احمد زويل(الحائز على نوبل ف الكيمياء)

·
خرجت النابغه الدكتوره سميره موسى(عشان البنات ماينفسنوش)

·
خرجت الباحث الدكتور مصطفى السيد(الحاصل على ارفع الاوسمه بامريكا)

·طلعت العالم الدكتور فاروق الباز(مدير مركز تطبيقات الاستشعار عن بعد بامريكا)

·بتطلع(v+ing



(
العالم الدمياطى محمد البغدادى (الحاصل ..ولا بلاش مش بنحب نتكلم عن انفسنا..ولا يكون حد عنيه.. حلوه)


انا اسف لوكنت رغيت كتير بس فالاخرعندنا فرصه نغير حياتنا للافضل

لو اجتهدنا واستفدنا من وقتنا وسخرناه ف سبيل خدمة دينا ووطنا ونفسنا


"انا اللهلايغيرمابقومحتىيغيرواما بانفسهم"


يارب تكون الرساله وصلتكوا

ولو موصلتش يبقى عيب شبكه


علـــــــــــــــــوم دلوقتى وقتها
loading...
لا اله الا الله .. محمد رسول الله .. صلى الله عليه وسلم
صورة العضو الشخصية
عضو ماسى
 
مشاركات: 1039
اشترك في: مارس 2010
مكان: DO0O0MIAAT
الشعبة: chemistry
الفرقة: graduate
مشاركة غير مقروءةبواسطة كيميكا » الثلاثاء أكتوبر 12, 2010 9:01 pm

انا عندى اقتراح للقب الكيميائى يتقلو ا يا كوكو والمؤنث كوكى والجولوجى جوجو ومفيش مؤنث والفيزيائى فوفو وفيفى والبيولو جى بوبو وبيبى وبكده يابقى حلينا مشكله اللقب نجى للاهتمام بالكليه لما يخلصونا من حبت العاهات اللى موجودين بالكليه نبقى نتقدم بالكليه مع انى كيمياء بس اكتر حد استفدت منه فى الكليه اتنين دكتور خالد عبدالستار ومحدش يختلف معى بدا والدكتور حسين عبدالظاهر والمعيدين دكتور احمد حلاوه ودكتور ابراهيم والباقى فى الريش صحيح قبل مانسى وايضا دكتور سرايا اللى افتقدنا السنه دى
صورة العضو الشخصية
عضو نشيط
 
مشاركات: 160
اشترك في: أغسطس 2010
الشعبة: كيمياء
مشاركة غير مقروءةبواسطة chemistrawy » الثلاثاء أكتوبر 12, 2010 9:12 pm

الف شكر على الكلام الجميل دا يا بغدادي
بجد كلنا محتاجين الكلام دا سواء طلبة او ف بكابرتوس او خريجين
ويارب نعمل بيه والكلام ليا طبعا
(امين)
صورة العضو الشخصية
عضو جديد
 
مشاركات: 3
اشترك في: مارس 2010
الشعبة: الكيمياء
مشاركة غير مقروءةبواسطة Mohamed Mehanny » الثلاثاء أكتوبر 12, 2010 9:21 pm

يابغدادى ياكبير
يا مقالاتك الجامدة
انت لازم تكمل صحافة
المقال فعلاً رائع وفى كل حاجة الواحد عايز يقولها
بس نظام التعليم فى مصر لا يسمح بالتعلم للاسف
ولازم اكون حافظ المنهج علشان انجح ومش مهم نفهم
والى مبيعرفش يحفظ وبيفهم كويس يجى يقعد جنبى
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6627
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة new student » الثلاثاء أكتوبر 12, 2010 9:51 pm

أهو أنا واحدة أهه ف كلية العلماء ......دخلتها وقولت ان شاء الله هبقى زويلة ..........ولسة داخلاها ميكملش شهر ...... ولقيت ...... بقدرة قادر بعد أسابيع التوهة ف التشعيب والتقديم وأسامى السكاشن نزلت ولا لأ والهبل دة كلة ..... الاقى مرة واحدة دكتورة داخلالنا وبتدينا مذكرات .... ومفيش بالظبط تلت ساعة ولقيت نفسى الدكتورة بتقول (احنا خلاص كدة يابنات خلصنا بابين والاسبوع الجاى ان شاء الله امتحان والامتحان ده عليه درجة الشفوى واعمال السنة.... هووووووووووووووووووووووه ...... مرة واحدة لقيت الامتحان ده الحمد لله كان النهاردة ........ بجد ذاكرت انبارح ......ومنمتش طول الليل من القلق وعايزة ألحق أخلص البابين دول ...... وأنا مش عارفة امتحانات الكلية عاملة ازاى ....... وطول الطريق وأنا رايحة الكلية عمالة أقول يارب ...... وف الا خر ألاقى الدكتورة داخلة بتقول زمن المتحان 5 دقايق يدوبك ملتنا السؤالين وبعدين قالت لموا الورق ...............اللى عايزة أقوله من الرغى دة كله ايه ؟؟؟؟؟؟؟؟؟؟؟؟؟
ان السؤالين دول عبارة عن مسألتين ف المذكرة بنفس أرقامهم بنفس كل حاجة ( واللى ينرفذ ف الموضوع كله ايه .... الدكتورة بعد ماملتنا السؤالين ...... قالت المسألتين دول موجودين بالنص ف المذكرة اللى حااااااااااااااااااااااااااااااااااااااااااااااااااااااااااااااااافظهم هيحل والى مش حاااااااااااااااااااااااااااااااااااااااااااااااااااااااااااااااااااااافظهم مش هيحل .............

يا جماعة احنا ف كلية الحفظ واالحفظظظظظظظظظظظظظظظظظظظظظظظظظظظظظظظظظظظظظظظظظاء

احلم معايا.............
عضو نشيط
 
مشاركات: 119
اشترك في: سبتمبر 2010
مكان: القاهرة
الشعبة: الكيمياء
الفرقة: الفرقه الأولى
مشاركة غير مقروءةبواسطة كيميكا » الثلاثاء أكتوبر 12, 2010 9:57 pm

متقلقيش خدى من ده كتير
صورة العضو الشخصية
عضو نشيط
 
مشاركات: 160
اشترك في: أغسطس 2010
الشعبة: كيمياء
مشاركة غير مقروءةبواسطة aymanamkh » الثلاثاء أكتوبر 12, 2010 10:04 pm

تسلم يا بغدادي بجد موضوع جامد بس اللي يعمل بيه بقى وكمل يابني صحافة فكك من الكميا دي خليك مراسل المنتدى في الكلية
صورة العضو الشخصية
عضو جديد
 
مشاركات: 8
اشترك في: نوفمبر 2009
الشعبة: الكيمياء
مشاركة غير مقروءةبواسطة احمد كمال » الثلاثاء أكتوبر 12, 2010 10:14 pm

بجد موضوع جميل اوى وبجد ربنا يكرمك وعلى فكره عندك ملكه الكتابه جميله وبالنسبه للاخت الى فى سنه اولى انا مش عاوزك تتعقدى خالص بس هاقولك على حاجه حصلت لينا كلنا على فكره الدكاتره بيكونو قاصدين كده على يشليو من نفسنا رهبه الامتحان وده عادى خالص ولازم تاخدى على الجو ده وانتى اجتهدى وربنا يكرمك ولو حتى فعلا الماده دى بتاعه حفظ فاكيد غيرها مش حفظ وغيرها هايكون اكتر غير كده الى بيحفظ ده مش بيعمل حاجه فالاخر وربنا يوفقنا كلنا
صورة العضو الشخصية
عضو فعال
 
مشاركات: 252
اشترك في: نوفمبر 2009
الشعبة: كمياء
الفرقة: تانيه
مشاركة غير مقروءةبواسطة eng a.fatoh » الثلاثاء أكتوبر 12, 2010 10:20 pm

والحروب النفسيه وما ادراك ما الحروب النفسيه


خرجت النابغه الدكتوره سميره موسى(عشان البنات ماينفسنوش)



انت ايه يابنى الى بتعمله ده انت بتجيب اتلكلام ده منين.... ربنــــا معاك ومعانا
بس توبك اكثر من رائع
سبحان الله وبحمده سبحان الله العظيم
صورة العضو الشخصية
مشرف
 
مشاركات: 1847
اشترك في: مارس 2010
الشعبة: جيولوجيا-كمياء
الفرقة: الثالثة
مشاركة غير مقروءةبواسطة Mohamed Mehanny » الثلاثاء أكتوبر 12, 2010 10:56 pm

احمد كمال كتب:بجد موضوع جميل اوى وبجد ربنا يكرمك وعلى فكره عندك ملكه الكتابه جميله وبالنسبه للاخت الى فى سنه اولى انا مش عاوزك تتعقدى خالص بس هاقولك على حاجه حصلت لينا كلنا على فكره الدكاتره بيكونو قاصدين كده على يشليو من نفسنا رهبه الامتحان وده عادى خالص ولازم تاخدى على الجو ده وانتى اجتهدى وربنا يكرمك ولو حتى فعلا الماده دى بتاعه حفظ فاكيد غيرها مش حفظ وغيرها هايكون اكتر غير كده الى بيحفظ ده مش بيعمل حاجه فالاخر وربنا يوفقنا كلنا

لا ياكيمو
الى بيحفظ بيجيب امتياز
وانا متأكد
والى بيفهم يادوب ينجح بمادتين او يعيد السنة
خليك صريح وواقعى
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6627
اشترك في: مايو 2009
مكان: Science Union
الشعبة: كيمياء

التالي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار


العودة إلى أخبارنا