لوحة الإعلانات

طريقة تقيم الامتحانات

كل ما يتعلق باخبار الكلية والاخبار العلمية
مشاركة غير مقروءةبواسطة science_union » السبت مارس 05, 2011 10:27 am


السلام عليكم ورحمه الله وبركاته
اخوانى اعضاء المنتدي الكرام كل سنة وانتم طيبين
اولا قبل ان ادخل فى الموضوع احب اوجه شكر خاص باسم ادراة المنتدي الى الدكتور الجميل جدا وال على طول احنا مرخمين عليه وهو اي حاجة بنطلبها منه فى خدمة الطلاب مبيتاخرش خالص لانه عنده هدف بيسعى اليه ومش عاوز يستسلم ال لما يحققه وهو اعطاء علوم الازهر مكانتها والعمل على تحسينها اكيد عرفتوا هو مين هو الدكتور محمد الشربينى مدير وحدة الجودة
بجد الدكتور محمد تعب معانا جدا وتعب ايضا فى علوم اوي علشان يحقق لها جودة التعليم ومازال لحد الان بيعمل الكثير والكثير لتحقيق هذا الهذف فجزاه الله خيرا
ندخل فى الموضوع لما كنا عند الدكتور منذ كام يوم طلب مننا اننا لازم نعمل من الان على تقيم مستوي الامتحانات ونشوف هى بتوضع على اسس الصحيحة ولا لا وهو قالى انه كان شغال فيها السنة ال فاتت ولكن نظرا لانى الكلية عدد امتحانانها كتير جدا والشعب ايضا وهم عددهم قليل نسبيا فطلب مننا اننا كلنا نبقى يد واحدة ونساعد فى هذا الموضوع وهو تقيم الامتحانات
الموضوع سهل خالص حضرتك هاتجيب الامتحان ومعاك قلم وجب كل نقطة من الاسئلة هاتكتب رقم من 1 الى 6 ودا بناء على الصورة دي وتعالوا نشوف الصورة وبعدين نرجع نكمل شرحها


اى صورة انت عاوز تشتغل عليها عادي جدا
بسش بقى هتلاقى فى الصورة مكتوب ارقام من 1 الى 6 ودي ال المفروض مستوي تفكير الطلاب فى الامتحان وهى ست حاجات بالترتيب
المعرفة , فهم , التطبيق , تحليل , تركيب , تقييم
انت مطلوب منك تشوف راس النقطة لو لقيت النقطة بتبدا بفعل من افعال المعرفة مثلا نكتب جمب النقطة 1
طب لو كانت النقطة تبدا بفعل من افعال التحليل يبقى نكتب 4 وهاكذا
وبعد كدا تتفضل مشكورا وتروح تسلم ورق الامتحانات فى مكتب الجودة او ممكن تعطيه لينا واحنا نسلم وبكدا يبقى احنا عملنا تقيم للامتحاانات وسعدنا الدكاتر بتوع الجودة فى حاجة بسيطة ممكن نقدمها ليهم
طب وبعد كدا ايه ال بيحصل المفروض الدكتور لما يشوف مثلا انى دكتور اعتمد فى امتحانه على جزء كبير واهمل بعض الاجزاء الاخري بيتم عمل تنبيه له انى فى مشكلة فى طريقة وضع الامتحان وبردوا انا ممكن اسال الدكتور ال بيحصل بالظبط وابقى انقله ليكم
اتمنى يكون الموضوع سهل واننا كلنا نقوم نجيب ورقة امتحانات الترم الاول ونقيمه وانا اول واحد هاقوم اقيم الامتحانات بتاعتى دلوقتى

Mohamed Elsherbini كتب:أسمحوا لى أن أشرح ماتقومون بعمله
تعتمد طريقة تحليل وتقييم الإختبارات على ما يسمى بمستويات بلووم للتفكير الإنسانى فمثلا عندما نقول لك أكتب تعنى اننا نريد منك ان تتذكر موضوع معين أما إذا قلنا لك قارن بين كذا وكذا فهذا يستدعى مستوى آخر من التفكير لديكم وإذا طلبنا رأيك وبدأنا السؤال بفعل مثل - قيم أو أصدر حكمك فهذا مستوى أعلى من التفكير وقد قسم بلووم التفكير الإنسانى الى ستة مراحل وهى 1- التذكر 2- الفهم 3- التطبيق 4- التحليل 5- التركيب 6- التقويم وأقل مستويات التفكير هو المستوى 1 والخاص بالتذكر والذى بالتأكيد يعتمد على ملكة الحفظ والإستظهار
لكل مستوى من هذه المستويات أفعال تناسبها وهى بالعربية
1- التذكر
عين - عدد - حدد ـ صف ـ أذكر ـ سمي ـ إختار ـ إنسب ـ عرف ـ إسترجع
2- الفهم ويتناسب معه الأفعال
إشرح ـ لخص ـ عبر ـ حول ـ فسر ـ ميز ـ رتب ـ إستدل ـ ترجم - إحسب ـ أعد صياغة - عمم ـ علل ـ أعطي أمثلة
3- التطبيق ويتناسب معه الأفعال
طبق ـ إنتج ـ عد ـ أربط ـ حل ـ رتب ـ جهز ـ إنشئ ـ غير ـ خطط ـ إستخدم ـ إحسب ـ وضح ـ إكتشف ـ تناول ـ عدل ـ شغل ـ بين ـ برهن
4- التحليل ويتناسب معه الأفعال
جزئ ـ فرق ـ ميز ـ تعرف على ـ وضح ـ إستنتج ـ أربط ـ إختار ـ إفصل ـ قسم ـ حدد العناصر ـ حلل ـ قارن ـ وازن ـ صنف
5- التركيب
صنف ـ ألف ـ إجمع ـ إبتكر ـ صمم ـ إشرح ـ عدل ـ نظم ـ أعد الترتيب أو التنظيم ـ أعد البناء ـ أربط بين ـ راجع ـ أعد الكتابة ـ لخص ـ إحكي ـ إكتب موضوعاً ـ إقترح.
6- التقويم والابتكار
أنقد ـ قيم ـ إبدي رأيك ـ أحكم ـ قرر ـ ثمن ـ إستخلص ـ قوم ـ إدعم ـ قدر ـ برر ـ فسر
وقد يكون هناك بعض التداخل فى الافعال وهذا يتوقف على المطلوب من السؤال وعلى سبيل المثال يمكننى ان اطلب منك إثبات قانون أوم وانا درسته لك فإن هذا يعنى انى اطلب منك ان تتذكر أما لو طلبت إثباته بطريقة أخرى أو مقارنته أو ربطه بموضوع آخر فهذا يعنى انى استثير لديكمستويات اخرى من التفكير تبتعد عن حفظ القانون او إثباته.
وبالنسبة لنا فى علوم سيكون الرسم الذى أرفقه الأخوة الأعزاء والذى يسمى بعجلة بلووم أكثر نفعا ولديكم الأن العربى والانجليزى.
أما ما الذى سنفعله بعد ذلك ؟ سأقول لكم قامت وحدة الجودة بالفعل بتقييم إمتحانات العام السابق وخرجت باستنتاجات وتوصيات هناك بعض الامتحانات تناقش مستويات عليا فقط وبعضها يناقش مستويات دنيا فقط وبعضها مستوى الحفظ فقط وبعضها فى مستوى المتوسط وعلى الامتحان الصحيح أن يكون فى المستوى المتوسط مع مراعاة ان يشمل جميع مستويات الفكر حتى يمكن التفرقة بين طالب يفكر وآخر يحفظ مع الإبقاء على المستوى المتوسط للإمتحان
تقوم الوحدة بعد ذلك برفع التوصيات الى مجلس الكلية وعرض النتائج على رؤساء الأقسام الذين بدورهم يجب ان يعرضوها على جميع الدكاترة بأقسامهم لمناقشة كيفية وضع امتحاناتهم - نحن نريد ان نضيف الى ذلك فى المرحلة القادمة الربط بين ورقة الامتحان وطريقة تدريس الأستاذ ونتيجة المادة ولكن هذا فى مرحلة لاحقة بإذن الله تعالى.
المشكلة التى تعرضنا لها بوحدة الجودة ولم نتمكن بسببها فى إجراء التقويم لهذا العام هى اننا سبعة فى الوحدة سافر مننا ثلاثة وبقينا أربعة فقط مما يجعلنا نتحمل عبء تحليل ما يقرب من 900 ورقة امتحان للاربع سنوات لجميع مقررات وشعب الكلية ثم تحليلها الاحصائى ودراستها والخروج بالتوصيات لذا رأينا أنه من الضرورى إشراككم معنا حيث ان ما نقوم به فى الحقيقة هو لمصلحة الطالب والكلية وطالما أنكم المستفيد الأول بلغة السوق فليه ما تشاركوناش - يلا شدوا حيلكوا عايزين نخلص من القصة دى والله عندنا أكثر من أربعة ألاف طالب يعنى لو كل طالب أخذ ورقة حنحلل كل امتجانات الجامعة ياشباب والموضوع مش حياخد أكثر من نص ساعة من كل واحد
شكرى وحبى



وربنا يوفقنا جميعا لما فيه الخير والصواب
مع تحيات ادارة الموقع
loading...
صورة العضو الشخصية
مدير الموقع
 
مشاركات: 4059
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
canطريقة,كاملة,تقييم,امتحان,اسئلة,الطرق,عالمياً,وحدة,الجودة
مشاركة غير مقروءةبواسطة eng a.fatoh » السبت مارس 05, 2011 1:00 pm

الله ينور يا عبدوه على الشغل العالى ده
بس بصراحه انا مش فاهم هعمل ايه بالظبط
سبحان الله وبحمده سبحان الله العظيم
صورة العضو الشخصية
مشرف
 
مشاركات: 1847
اشترك في: مارس 2010
الشعبة: جيولوجيا-كمياء
الفرقة: الثالثة
مشاركة غير مقروءةبواسطة Mohamed Mehanny » السبت مارس 05, 2011 2:09 pm

بص يافتوح
هتجيب الامتحان وتشوف اول كلمة فى السؤال بتبدأ بايه
لو مثلاً بتبدا ب explain هبص على الصورة
هلاقى ان الكلمة دى موجوده فى بدايات السؤال بتاع المستوى الثانى
يبقى اكتب جنب السؤال رقم 2
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6627
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة Mohamed Elsherbini » السبت مارس 05, 2011 2:14 pm

شكرا ياعبدو على الكلام الجميل وعلوم انشاء الله ترقى بكم وبفكر شبابها المستنير ولابد ان نؤمن جميعا بأن أى عمل جيد لا يأتى بمجهود فردى ويجب ان يشارك فيه الجميع أشكر لكم مجهودكم ومجهود جميع الطلاب المشاركين متمنيا من الله ان يكون هذا العمل نواة لأن نضع جميعنا أيدينا معا من أجل رفعة كليتنا وجامعتنا أشكركم جميعا متمنيا من الله ان نترجم جميعنا أقوالنا الى أفعال
حبى وتقديرى لكم
صورة العضو الشخصية
عضو شرف
 
مشاركات: 38
اشترك في: مارس 2011
مشاركة غير مقروءةبواسطة Mohamed Mehanny » السبت مارس 05, 2011 2:21 pm

اهلاً وسهلاً بحضرتك بيننا
ودى اقل حاجة نقدر نساعد بيها حضرتك للنهوض بالكلية وبالجامعة
وان شاء الله نكون على قد المسئولية
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6627
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة احمد كمال » السبت مارس 05, 2011 4:39 pm

يا شباب ياريت كلنا نبدا من دلواتى فالتقيم ونبعت الورق الى نخلصه اول باول ودى اول نشاط لينا واعتقد انه مش منعب اما نشوف الناس الى عاوزه تطور وتشتغل فى اول حاجه تطلب منها هاتعمل ايه انا عن نفسى بدات وببعت دلواتى يلا ورينا الشغل الجامد بقى
صورة العضو الشخصية
عضو فعال
 
مشاركات: 252
اشترك في: نوفمبر 2009
الشعبة: كمياء
الفرقة: تانيه
مشاركة غير مقروءةبواسطة chemi cool » السبت مارس 05, 2011 4:47 pm

معقوله ده ممكن يطبق عندنا
ولو الامتحان ماكنشي مطابق لمعايير الجوده ياجماعه ايه اللي هيتعمل ؟؟؟؟؟


عضويتي مجمده لحين اشعار اخر
صورة العضو الشخصية
عضو مميز
 
مشاركات: 622
اشترك في: ديسمبر 2009
الشعبة: كمياء
مشاركة غير مقروءةبواسطة golden star » السبت مارس 05, 2011 4:49 pm

وانا كمان بدأت وهبعتهم ف اول يوم ف الدراسه ان شاء الله
لن انظر إلى الماضي فأحزن
ولن أخاف من المستقبل فأفشل
ولكني سأترك همومي وأفرح
وسأتوكل على خالقي فأنجح


מוות לישראל
אנחנו צריכים להתפלל אקצה
ישראל האשפה של ההיסטוריה
صورة العضو الشخصية
عضو مميز
 
مشاركات: 2998
اشترك في: مارس 2010
مكان: أسأل الله الفردوس الاعلى
الشعبة: كيمياء
الفرقة: كيميائي خبير
مشاركة غير مقروءةبواسطة Golden dove » السبت مارس 05, 2011 5:06 pm

كل الشكر والتقدير للدكتور محمد الشربينى
وربنا يجازى حضرتك كل خير على اللى بتعمله لجامعة الازهر
بالنسبه للبنات هل احنا هنعمل كده ولا دا عندكم بس؟
صورة العضو الشخصية
عضو ذهبى
 
مشاركات: 548
اشترك في: مايو 2010
الشعبة: كيمياء
الفرقة: الاولى
مشاركة غير مقروءةبواسطة mohamed hussien » السبت مارس 05, 2011 6:24 pm

ربنا يكرمك يا دكتور محمد يا رب

وان شاء الله هكون من المشاركين فى الموضوع ده
صورة العضو الشخصية
عضو مشارك
 
مشاركات: 66
اشترك في: يناير 2010
مكان: الجيزه
الشعبة: جيوكيمياء
الفرقة: الثالثه

التالي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 3 زائر/زوار


العودة إلى أخبارنا