لوحة الإعلانات

طريقة تقيم الامتحانات

كل ما يتعلق باخبار الكلية والاخبار العلمية
مشاركة غير مقروءةبواسطة كيميكا » السبت مارس 05, 2011 11:53 pm


شكرا ياعبده على مجهودك وربنا يجعله فى ميزان حساناتك ومن تقد لتقدم
صورة العضو الشخصية
عضو نشيط
 
مشاركات: 160
اشترك في: أغسطس 2010
الشعبة: كيمياء
canطريقة,كاملة,تقييم,امتحان,اسئلة,الطرق,عالمياً,وحدة,الجودة
مشاركة غير مقروءةبواسطة احمد الطحان » الأحد مارس 06, 2011 1:08 am

Golden dove كتب:بالنسبه للبنات هل احنا هنعمل كده ولا دا عندكم بس؟

ياريت تعملو التقييم ده مش هتخسروا حاجه اكيد
وياريت تروحو تقدموه لوحدة الجودة عندكم وبكده يبقى جت منكم حتى لو هما ما كانوش هيعملو الحوار ده

وفي انتظار رأي استاذنا الدكتور محمد الشربيني

ضاعت الأخلاق ... فضاقت الأرزاق
الشيخ عبدالحميد كشك رحمه الله
صورة العضو الشخصية
مشرف
 
مشاركات: 1290
اشترك في: يونيو 2009
الشعبة: كيمياء خـاصة
الفرقة: خريج
مشاركة غير مقروءةبواسطة science_union » الأحد مارس 06, 2011 10:36 am

eng a.fatoh كتب:الله ينور يا عبدوه على الشغل العالى ده
بس بصراحه انا مش فاهم هعمل ايه بالظبط

ربنا يخليك يابو الفتوح واتمنى يكون مهنى وضح ليك وشكرا على مرورك ونورت الموضوع
وشكرا ليك يامهنى على الاهتمام
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة science_union » الأحد مارس 06, 2011 10:45 am

Mohamed Elsherbini كتب:شكرا ياعبدو على الكلام الجميل وعلوم انشاء الله ترقى بكم وبفكر شبابها المستنير ولابد ان نؤمن جميعا بأن أى عمل جيد لا يأتى بمجهود فردى ويجب ان يشارك فيه الجميع أشكر لكم مجهودكم ومجهود جميع الطلاب المشاركين متمنيا من الله ان يكون هذا العمل نواة لأن نضع جميعنا أيدينا معا من أجل رفعة كليتنا وجامعتنا أشكركم جميعا متمنيا من الله ان نترجم جميعنا أقوالنا الى أفعال
حبى وتقديرى لكم

اولا نورت المنتدي يادكتور شربينى واهلا وسهلا بيك معانا وسط اخواتك الصغير او ممكن نكون ابنائك الصغيرين ولكن حضرتك لسة شباب فا احنا مش عاوزين نكبرك فى السن لتضربنا هههههه ربنا يديك الصحة ويحيمك
ثانيا : شكرا يادكتور على مشاركتك التى جت فى وقتا تطيبا لقوبنا واحساسنا بانى فيه دكاتره محترمين زي حضرتك متبعنا ودي شهادة اعتزاز لنا جيمع
ثالثا كل الشكر ليك يادكتور انت ال فهمتنا الحوار ماشي ازاي والورق والتقيم بيتم ازاي وكم نتمنى كلنا طلاب كلية العلوم ان يتم العمل بهذا الموضوع حتى نظهر بمستوع علمي يوافق مستوي التفكير
وبجد احنا سعداء جدا بمشاركاتك معانا وان شاء الله يكون فى اقبال منا جيمع على تنفيذ وعمل هذا التقيم
وجزاك الله خير وربنا يعينك على الاستمرار فى ما بدات العمل عليه واحنا مع حضرتك فى اي شغل يفيد الكلية والطلاب
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة science_union » الأحد مارس 06, 2011 11:11 am

احمد كمال كتب:يا شباب ياريت كلنا نبدا من دلواتى فالتقيم ونبعت الورق الى نخلصه اول باول ودى اول نشاط لينا واعتقد انه مش منعب اما نشوف الناس الى عاوزه تطور وتشتغل فى اول حاجه تطلب منها هاتعمل ايه انا عن نفسى بدات وببعت دلواتى يلا ورينا الشغل الجامد بقى

احمد كمال باشا اول واحد فينا عمل الحوار دا ونفذه واول واحد فينا كان عمال يطلب مننا اننا نساعده وبصراحة انا واحد من الناس ال قلتله فى الاول يعم انا مش فاضيلك حتى من غير ما اشوف الموضوع هايخد منى وقت اد ايه بس كالعادة كنت بحب نتنقاش انا واحمد كمال مع بعض كتير ههههههه ولكن انت طلع معاك حق فعلا ياكيمو لاننا لازم كل واحد فينا يبدا بنفسه ويعمل ال مطلوب منه وبعد كدا يشوف النتائج ال هاتتحقق وساعتها لما رحنا وقلبلنا الدكتور شربينى لقينا انى الموضوع فعلا مهم جدا ويستاهل اننا نبدي نشتغل فيه
وبصراحة ال يستاهل الشكر لانه هو ال خلينا ننزل الموضوع دا ونسال عليه هو احمد كمال فشكرا ليك ياكمال على حماسك وربنا يوفقك ياحبي
chemi cool كتب:معقوله ده ممكن يطبق عندنا
ولو الامتحان ماكنشي مطابق لمعايير الجوده ياجماعه ايه اللي هيتعمل ؟؟؟؟؟

انا قلت كدا بردوا فى الاول ياكيمو كول هههههههه
ولكن اهو فرصة ومش هانخسر منها حاجة اننا نشتغل فيها وممكن نطالب العميد انى الامتحانات لازم توضوع حسب المعاير الاساسي للامتحان وربنا يسهل
golden star كتب:وانا كمان بدأت وهبعتهم ف اول يوم ف الدراسه ان شاء الله

تمام اوي ياجولدن كدا ويارت كلنا نعمل زي حولدن ونبدا فى الامتحانات ومش هاتخد مننا وقت خالص
Golden dove كتب:كل الشكر والتقدير للدكتور محمد الشربينى
وربنا يجازى حضرتك كل خير على اللى بتعمله لجامعة الازهر
بالنسبه للبنات هل احنا هنعمل كده ولا دا عندكم بس؟

شكرا على مرورك واحتمال كبير يكون عندكم بردوا حوار الجودة دا واحنا ممكن نسال الدكتور بكرة ان شاء الله لو كان موجود فى الكلية
mohamed hussien كتب:ربنا يكرمك يا دكتور محمد يا رب

وان شاء الله هكون من المشاركين فى الموضوع ده

تمام اوي يابو حسين وهما دول رجالة جولوجيا على طول بيسدوا فى حاجة وبيشتغلوا فى ال فيه المصلحة ربنا يوفقك يابو حسين
كيميكا كتب:شكرا ياعبده على مجهودك وربنا يجعله فى ميزان حساناتك ومن تقد لتقدم

ربنا يخليك ياكيمكا ويارت تشارك معانا فى الحوار دا علشان يبقى كلنا مع بعض

تمام يطحان فعلا مش هايخسروا حاجة وان شاء الله يكون عندهم وحدة جودة فى الكلية

وفى النهاية احب اشكر كل من قام برد ولو بسيط ولكن لكى يشجعنا جميعا على العمل والوقوف مع بعضنا وان شاء الله الايام ال قادمة هاتكون جميله وكلها خير ولكن محتاجه مننا شوية صبر مع عمل وجهد علشان نعرف نظهر بكليتنا فى مرتبة محترمة
وتمنياتى للجميع بالتوفيق
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة Mohamed Elsherbini » الأحد مارس 06, 2011 11:42 pm

أسمحوا لى أن أشرح ماتقومون بعمله
تعتمد طريقة تحليل وتقييم الإختبارات على ما يسمى بمستويات بلووم للتفكير الإنسانى فمثلا عندما نقول لك أكتب تعنى اننا نريد منك ان تتذكر موضوع معين أما إذا قلنا لك قارن بين كذا وكذا فهذا يستدعى مستوى آخر من التفكير لديكم وإذا طلبنا رأيك وبدأنا السؤال بفعل مثل - قيم أو أصدر حكمك فهذا مستوى أعلى من التفكير وقد قسم بلووم التفكير الإنسانى الى ستة مراحل وهى 1- التذكر 2- الفهم 3- التطبيق 4- التحليل 5- التركيب 6- التقويم وأقل مستويات التفكير هو المستوى 1 والخاص بالتذكر والذى بالتأكيد يعتمد على ملكة الحفظ والإستظهار
لكل مستوى من هذه المستويات أفعال تناسبها وهى بالعربية
1- التذكر
عين - عدد - حدد ـ صف ـ أذكر ـ سمي ـ إختار ـ إنسب ـ عرف ـ إسترجع
2- الفهم ويتناسب معه الأفعال
إشرح ـ لخص ـ عبر ـ حول ـ فسر ـ ميز ـ رتب ـ إستدل ـ ترجم - إحسب ـ أعد صياغة - عمم ـ علل ـ أعطي أمثلة
3- التطبيق ويتناسب معه الأفعال
طبق ـ إنتج ـ عد ـ أربط ـ حل ـ رتب ـ جهز ـ إنشئ ـ غير ـ خطط ـ إستخدم ـ إحسب ـ وضح ـ إكتشف ـ تناول ـ عدل ـ شغل ـ بين ـ برهن
4- التحليل ويتناسب معه الأفعال
جزئ ـ فرق ـ ميز ـ تعرف على ـ وضح ـ إستنتج ـ أربط ـ إختار ـ إفصل ـ قسم ـ حدد العناصر ـ حلل ـ قارن ـ وازن ـ صنف
5- التركيب
صنف ـ ألف ـ إجمع ـ إبتكر ـ صمم ـ إشرح ـ عدل ـ نظم ـ أعد الترتيب أو التنظيم ـ أعد البناء ـ أربط بين ـ راجع ـ أعد الكتابة ـ لخص ـ إحكي ـ إكتب موضوعاً ـ إقترح.
6- التقويم والابتكار
أنقد ـ قيم ـ إبدي رأيك ـ أحكم ـ قرر ـ ثمن ـ إستخلص ـ قوم ـ إدعم ـ قدر ـ برر ـ فسر
وقد يكون هناك بعض التداخل فى الافعال وهذا يتوقف على المطلوب من السؤال وعلى سبيل المثال يمكننى ان اطلب منك إثبات قانون أوم وانا درسته لك فإن هذا يعنى انى اطلب منك ان تتذكر أما لو طلبت إثباته بطريقة أخرى أو مقارنته أو ربطه بموضوع آخر فهذا يعنى انى استثير لديكمستويات اخرى من التفكير تبتعد عن حفظ القانون او إثباته.
وبالنسبة لنا فى علوم سيكون الرسم الذى أرفقه الأخوة الأعزاء والذى يسمى بعجلة بلووم أكثر نفعا ولديكم الأن العربى والانجليزى.
أما ما الذى سنفعله بعد ذلك ؟ سأقول لكم قامت وحدة الجودة بالفعل بتقييم إمتحانات العام السابق وخرجت باستنتاجات وتوصيات هناك بعض الامتحانات تناقش مستويات عليا فقط وبعضها يناقش مستويات دنيا فقط وبعضها مستوى الحفظ فقط وبعضها فى مستوى المتوسط وعلى الامتحان الصحيح أن يكون فى المستوى المتوسط مع مراعاة ان يشمل جميع مستويات الفكر حتى يمكن التفرقة بين طالب يفكر وآخر يحفظ مع الإبقاء على المستوى المتوسط للإمتحان
تقوم الوحدة بعد ذلك برفع التوصيات الى مجلس الكلية وعرض النتائج على رؤساء الأقسام الذين بدورهم يجب ان يعرضوها على جميع الدكاترة بأقسامهم لمناقشة كيفية وضع امتحاناتهم - نحن نريد ان نضيف الى ذلك فى المرحلة القادمة الربط بين ورقة الامتحان وطريقة تدريس الأستاذ ونتيجة المادة ولكن هذا فى مرحلة لاحقة بإذن الله تعالى.
المشكلة التى تعرضنا لها بوحدة الجودة ولم نتمكن بسببها فى إجراء التقويم لهذا العام هى اننا سبعة فى الوحدة سافر مننا ثلاثة وبقينا أربعة فقط مما يجعلنا نتحمل عبء تحليل ما يقرب من 900 ورقة امتحان للاربع سنوات لجميع مقررات وشعب الكلية ثم تحليلها الاحصائى ودراستها والخروج بالتوصيات لذا رأينا أنه من الضرورى إشراككم معنا حيث ان ما نقوم به فى الحقيقة هو لمصلحة الطالب والكلية وطالما أنكم المستفيد الأول بلغة السوق فليه ما تشاركوناش - يلا شدوا حيلكوا عايزين نخلص من القصة دى والله عندنا أكثر من أربعة ألاف طالب يعنى لو كل طالب أخذ ورقة حنحلل كل امتجانات الجامعة ياشباب والموضوع مش حياخد أكثر من نص ساعة من كل واحد
شكرى وحبى
صورة العضو الشخصية
عضو شرف
 
مشاركات: 38
اشترك في: مارس 2011
مشاركة غير مقروءةبواسطة احمد الطحان » الأحد مارس 06, 2011 11:52 pm

استاذنا الكبير الدكتور محمد الشربيني
تمام كلام حضرتك
وجار التنفيذ
وياريت نقدر نفيد اكتر

ضاعت الأخلاق ... فضاقت الأرزاق
الشيخ عبدالحميد كشك رحمه الله
صورة العضو الشخصية
مشرف
 
مشاركات: 1290
اشترك في: يونيو 2009
الشعبة: كيمياء خـاصة
الفرقة: خريج
مشاركة غير مقروءةبواسطة Mohamed Mehanny » الاثنين مارس 07, 2011 12:04 am

شرح اكثر من رائع ومفصل يادكتور محمد
كل الشكر والتقدير لحضرتك
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6824
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة Mohamed Elsherbini » الاثنين مارس 07, 2011 12:06 am

عندنا الكتير علشان طلاب الكلية ومشاركتكم حتكون عمل أكتر من رائع وبلاش والنبى ياطحان نظام تمام ياباشا وكلام حضرتك والحاجات دى ياريس إحنا كلنا سوا وأيد واحدة
صورة العضو الشخصية
عضو شرف
 
مشاركات: 38
اشترك في: مارس 2011
مشاركة غير مقروءةبواسطة احمد الطحان » الاثنين مارس 07, 2011 12:17 am

ماشي يا دكتور
دي مش رسمية زيادة عن اللازم دي محبه بس
وان شاء الله الفترة اللي جايه نقدر نغير كليتنا للاحسن

ضاعت الأخلاق ... فضاقت الأرزاق
الشيخ عبدالحميد كشك رحمه الله
صورة العضو الشخصية
مشرف
 
مشاركات: 1290
اشترك في: يونيو 2009
الشعبة: كيمياء خـاصة
الفرقة: خريج

السابقالتالي

الموجودون الآن

المستخدمون المتصفحون لهذا المنتدى: Sogou [Bot], اية جلف و 1 زائر


العودة إلى أخبارنا