لوحة الإعلانات

اخوكوا بيشور عليكوا ! ! ؟

كل ما يخص قسم البيولوجى
مشاركة غير مقروءةبواسطة احمد ديها » الاثنين مارس 21, 2011 5:40 pm


ارجوكم يا جماعه حد يفيدني , ولو بأي نصيحه كويسه يقدر يقولهالي علشان انا مش عارف اعمل ايه
انا ياجماعه اولا فى السنه الاولى - شعبة البيولوجي
وطبعا اغلبية طلبة البيولوجي بيبقا هدفها دخول قسم البيولوجي كيميا ومن ثم الميركو بيولوجي , وانا كنت ناوي كده وده كان هدفي
لكن انا كنت بشتغل بجانب الدراسه فى كلية العلوم علشان يعني اساعد والدتي فى تكاليف المعيشه الصعبه واشيل عنها حمل من احمالها عشان هي غير قادره على العمل , ده بالاضافه الى اننى بتعالج من مرض والادويه غاليه جدا فانا بشتغل بجانب الدراسه علشان اوفر مصاريف دراسه وكمان مصاريف علاجي .... بس ده اثر على دراستي بكلية العلوم لاني كنت فى ضغط شديد ما بين الشغل والدراسه فى الكليه ... خاصة كلية العلوم التي تحتاج الى حضور دائم و كل يوم والكل عارف كده
بس كل ده اثر عليا وخلاني اتعثر في مادة الجيولوجيا فوقعت مني الماده ومذكرتهاش كويس , فمدخلتش امتحانها علشان أأجلها للسنه الجايه ه لكن من كام يوم واحد قالي انت مدام شايل ماده ....مش هتدخل قسم البيولوجي / كيميا , حتى لو جبت تقدير امتياز ... لان الماد هضيعلك التقدير ! !
انا روحت للعميد قدمت له اعتذار ,
قالي : هات ما يثبت ....
قلت: له يثبت ايه .....
قالي : انك مريض ...
قولت : له ماشي بس انا مأجلتش علشان انا مريض بس ... دا عشان الظروف كمان اللى انا قولتها دي ......
قام قال : ليا لاء دا غلطك وانا ماليش دخل سواء ذاكرت بقا ولا مذاكرتش ده ميهمنيش , ودي لوايح وقوانين مع انه كان ممكن يعملي اى حاجه
بالاضافه الى ان بتاع الشئون قال ليا : انت حتى لو قدمت عذر تأجيل دلوقتي واتقبل مش هتدخل برضه بيولوجي كيميا ودي لوايح وقوانين
طب يعني هو لحد امتا هتفضل اللوايح والقوانين دي ماشيه علىى خط واحد , وقاسيه قوي كده ... لكل شخص ظرف بيختلف عن الاخر ... فالقوانين بتطبق بيها مع مراعاة الظروف المحيطه ورسولنا الكريم :salah: [b] كان بيحكم كده [/b]
لكن القوانين دي هضرب لكوا مثل
واحد مالوشي لا اب ولا ام
[b], مش لاقي ياكل ولا يشرب وسرق , يتعامل كواحد سرق لكن كان معاه ابوه وامه وعيشته مبسوطه وكويسه , مش معقول مثلا ان القانون يقول ده وده ياخدوا نفس العقوبه دون النظر الى الظروف اللى أدت الى عمل نفس الخطأ ....
[/b]
انا عارف أني أخطأت , لكن حرام مفيش حد مش بيغلط , ده بالاضافه الى ان الغلطه بقطع رقبه .. يعني انا غلط خلاص ينقطع رقبتي , ليه مافيش فرصه تخليك تصحح خطأك .... واهوه تتعلم
لكن علشان مطولشي عليكوا ياريت تنصحوني
فى دكتور قال ليا لما عرضت عليه المشكله .... هات فى جميع المواد امتياز واحنا نقدم فى اخر السنه شكوى ويمكن يدخلوك البيولوجي / كيميا ؟؟؟؟ هل دا ممكن وينفع ..... ولا الشكوى هتترفض
فى واحد قال ليا .... لاء انت تقدم عذر عن السنه كلها وتأجلها ... والسنه اللى جايه تبدأها بعزم وشده , وبكده لا هيضيع منك مرتبة الشرف وهتقدر تجيب تقديرك وتخش البيولوجي كيميا ؟؟؟؟؟ صح الكلام والاقتراح ده ولا ايه
يعني انا فكرت كتير ..... ومحتار مش عارف أكمل وابقى على كف عفريت ياترى فعلا هقدر اجيب فى المواد كلها امتياز ولو ان شاء الله ربنا قدرني وعملتها هل الشكوى اللى هعملها هيدخلوني ولا لاء
ولا أأجل ويضيع مجهودي اللى فات والمصاريف اللى صرفتها
معلشي طولت عليكوا لكن إعتبروني اخوكوا وواقع في مشكله وبستشيركوا .... ياريت قولولي اى نصيحه او اى حاجه . للمشكله دي
loading...
صورة العضو الشخصية
عضو جديد
 
مشاركات: 17
اشترك في: ديسمبر 2010
الشعبة: بيولوجي
الفرقة: 1
مشاركة غير مقروءةبواسطة m.elpoghdady » الاثنين مارس 21, 2011 6:58 pm

اولا ربنا ييسر لك الاحوال ويتم شفائك
جميل جدا انك تكون متحمل للمسؤليه
وبتشتغل مع الدراسه
لكن انا شايف ان غلط كبير انك تعلق طموحاتك
ومستقبلك علي رغبه معينه
في حين ان عندك خيارات تانيه كتير كلها مميزه مش معني اني مدخلتش قسم معين خلاص الدنيا اتهدت
ابدا
جميع اقسام البيولوجي مميزه وتؤهلك
ف حال اجتهادك لسوق العمل ولاتأجل سنه ولابتاع
العبره بتفوقك وتقديرك
و ربنا يسر الامور وقرار وزير الصحه لسنة 94 الخاص بمزاولة مهنة التحاليل الغي بالفعل
وبعدين هوا انت كنت كاتب ف رغباتك اول حاجه علوم اكيد لأ
بس ربنا كتبهالك يبقي نرضي باللي ربنا يختاره لنا لانه احسن من اختيارنا
ودا دافع انك تجتهد اكتر وتشد حيلك
لو دخلت حسب رغبتك كان بها وان ماكنش ماحصلش حاجه تقول انا هاثبت نفسي ف القسم اللي ربنا كاتبه ليه
يعني كل ماعليك انك متتنازلش عن انك تجيب امتياز الترم دا وربك يعدلها
لا اله الا الله .. محمد رسول الله .. صلى الله عليه وسلم
صورة العضو الشخصية
عضو ماسى
 
مشاركات: 1039
اشترك في: مارس 2010
مكان: DO0O0MIAAT
الشعبة: chemistry
الفرقة: graduate
مشاركة غير مقروءةبواسطة genious » الخميس مارس 24, 2011 3:27 pm

بص يااحمد انا مش هقولك أكتر من اللى بغدادي قالوهولك وهقولك حاجه دايما يقولهالي دكتور أريبي عندنا فى الكليه لو تعرفوا .. اسمه د/ فكيه ابراهيم
بيقولي يابلال (( أن تكون عملاقاً بين الاقذام أفضل لك , من أن تكون قذماً بين العمالقه )) يعني بلاش تكون نظرتك لـــ أُدام تكون ضيقه اوي كده ويبقا هدفك انك تحط جون فى الشبكه من الناحيه اليمين لكن ممكن حاجه تخليك تسيب ونجك اليمين غصب عنك فتخليك تروح الونج الشمال وتحط جون من الناحيه الشمال
انا معاك انها حاجه صعبه اوي لما تبقا واقف فى المحطة مستني تاخد اتوبيس رمسيس .... بس شائت الظروف ان اتوبيس رمسيس خلاص مش هيجي ودا نتيجة لانك بقا اتأخرت على موعده ودلعك أو نتيجه لان انت جتله في ميعاده لكن هو مش هيجي وخلاص , مش معنى كده انى هفضل قاعد فى المحطة ومتحركشي ....... لاء انا اخد اى حاجه راحه قريب من رمسيس اهو ياسيدي احسن من الوقفه , ولا ايه ؟؟؟؟
فانت ممكن تجتهد وتثبت نفسك وتدخل ميكروبيولوجي خاص .... هو قسم جميل يعني مش وحش ولا حاجه ... بدل ما تضيع السنه عالفاضي وخصوصا يعني زي ما بتقول ظروفك صعبه , وعشان كده مش لازم تتأخر أكتر من كده وتضيع السنه عشان خلاص مش هتعرف توصلك لمحل هدفك .
وربنا يوفقك للى فيه الخير دايما ..............
اللهم ولي أمورنا خيارنا , ولا تولي امورنا شرارنا قول آمين , , , آمين يارب العالمين
@@
صورة العضو الشخصية
عضو نشيط
 
مشاركات: 134
اشترك في: سبتمبر 2010
مكان: مصر , القاهرة
الشعبة: Biology
الفرقة: 3rd
مشاركة غير مقروءةبواسطة Mohamed Mehanny » الخميس مارس 24, 2011 4:25 pm

انا هقولك شد حيلك وحاول تجيب فى كل المواد اعلى تقدير
ومحدش عارف الظروف بكرة ممكن تكون ايه
وانا عندى خبر كويس بس مش هقوله دلوقتى الا لما اتأكد منه
بس كل الى اقدر اقولهولك شد حيلك وهات تقديرات فى كل المواد
والى فيه الخير يقدمه ربنا
بس اوعى تفكر فى موضوع انك تضيع سنة علشان قسم
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6627
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة Iron man » الخميس مارس 24, 2011 11:44 pm

بص يا صاحبى انت باين عليك راجل ومتحمل مسئوليه جامدة زى ما قلت فى موضوعك...اولا ربنا يعينك....انا خريج كيمياء خاصة علوم الازهر وبشتغل كيميائى بحث وتطوير فى شركة بويات...انا هجيبلك من الاخر ومن الواقع اللى انا شفته بنفسى ونصيحة من اخ اوعى تشتت نفسك واسمع اللى هقوله كويس بعيد عن الشعارات وكلام الكتب ....اى قسم فى اى كليه خلقها ربنا ليه اهمية لانه علم لابد تحصيله.....انما انا عارف كويس انك انت وغيرك بتدور على الشغل بعد ما تتخرج وبتحكم على اى قسم تبعا للشغل بره....ونصيحتى ليك من الاخر ادخل اى قسم مفرد زى ميكرو بيولوجى خاص او جيولوجيا خاص او كيمياء خاصة او رياضة خاصة اوفيزياء خاصة وهكذا ولا تدخل قسم مزدوج لانك لو قدمت فى شغل وانت مثلا ميكرو بيولوجى /كيمياء هتشتغل اما بالميكرو بيولوجى فقط فى معمل تحاليل او شركة ادويه او......الى اخره او هتشتغل بالكيمياء فقط كيميائى فى اى شركة فانت ليه تشتت نفسك بين قسمين فى قسم واحد.....استثنى من الاقسام المزدوجة قسم الجيوفيزياء وقسم الجيو كيمياء..لان دى علوم مستقلة بذاتها مش زى ما بيحصل فى الاقسام المزدوجة انك بتاخد كورسات طلاب البيولوجى بالاضافة الى كورسات طلاب الكيمياء مثلا......اما مسألة ان القسم دا اوغيره بيأخذ من امتياز او جيد جدا احب ان اوضح لك اخى الكريم ان مسألة التنسيق فى الاقسام هى عملية موازنة بين مايحتاجه القسم من طلاب وبين المتقدمين فعليا من الطلاب لهذا القسم....مثلا تنسيق اولى فيزياء ورياضة بيكون اقل تنسيق فى الكليه مع انه اهم واصعب قسم فى الكليه بس دا بيحصل لان الطلبة مش بتقدم فى القسم ده والقسم محتاج ناس فبيضطر ينزل التنسيق ......يعنى لو الطلبه قالت مش داخلين كيمياء هتلاقى قسم الكيمياء اقل تنسيق فى الكلية.......ارجو ان تكون وضحت وجهة نظرى.........والله من وراء القصد......بالتوفيق.
عضو نشيط
 
مشاركات: 103
اشترك في: يوليو 2009
الشعبة: خريج
مشاركة غير مقروءةبواسطة احمد ديها » السبت مارس 26, 2011 7:15 pm

متشكر جدا اوي ليكوا يا حماعه , متشكر لــ محمد البغدادي , ومحمد مهني , وجنيييس , وايرون مان
متشكر ليكوا جدا على ردكم , انا فى الاول ياحماعه والله كنت شايف الدنيا سودا أُدامي
لكن انا سألت وروحت هنا وروحت هناك بالاضافه الى نصايحكوا اللى افادتني كتير , وخاصة ما ذكره ايرون مان ... ان دخول القسم المختص بذاته زي بيولوجي خاص , افضل من دخول قسم مشترك وهذه المعلومه ذكرها دكتور كبير اوي سألته فى الكليه وقالهالي .
دا بالاضافه , انه في فرصه انى ممكن ادخل بيولوجي كيميا ومن ثم ميكرو بيولوجي / كيميا اللى انا كنت زعلان اني مش هدخله
فاصبح المشكله انى انا دلوقتي محتار ادخل انهي قسم الميكرو/كيميا و الميكرو/خاص ,
وحكاية انا عايز ايه وبحب ايه , والله يا جماعه انا امشي في اي حاجه وانا اصلا مكنتش عايز ادخل علوم كنت هدخل هندسه لكن يلا , يشاء ربنا انى ادخل علوم فانا اصلان مكنتش عايز ادخل علوم .... فانا مش يهمني بقا دلوقتي اتخصص ايه في علوم لاني مش عارفه ايه الكويس نا بدور على اللى يا جماعه هدرسه واطلع اشتغل شغلانه محترمه ومرتاحه .. علشان ارتاح ... فياريت حد يقولي ايه هو التخصص اللى مطلوب جدا جدا في سوق العمل .. وميقوليشي انت عايز ايه او بتحب ايه , هو بس يقولي ايه افضل قسم بيأهل للشغل كويس وانا هحب القسم ده اوي اوي اوي , ......
صورة العضو الشخصية
عضو جديد
 
مشاركات: 17
اشترك في: ديسمبر 2010
الشعبة: بيولوجي
الفرقة: 1
مشاركة غير مقروءةبواسطة Diaa E17aRReeF » السبت مارس 26, 2011 7:39 pm

بعد الثورة ان شاء الله الخاص هيبقى للكل شغل ومستقبل ان شاء الله تفائلوا
لللل.[[b].[/center]
.
Diaa E17aRReeF.
صورة العضو الشخصية
عضو نشيط
 
مشاركات: 197
اشترك في: سبتمبر 2010
الشعبة: ميكروبيولوجى
الفرقة: الثالثة
مشاركة غير مقروءةبواسطة Brianzoota » الأربعاء يناير 25, 2017 7:08 pm

Заговор на удачу и деньги


Белый приворот
Приворот на девушку
Как вернуть любимого человека на расстоянии
Заговор на любовь мужа
Приворот по фото
Заговор на любовь мужа
Заговор на любовь парня
Любовный приворот
Приворот на девушку
Заговор на деньги
صورة العضو الشخصية
عضو ماسى
 
مشاركات: 1938
اشترك في: يناير 2017
مشاركة غير مقروءةبواسطة Brianzoota » الأربعاء يناير 25, 2017 7:14 pm

Как вернуть любимого человека


Белый приворот
Как вернуть любимого человека на расстоянии
Родовое проклятие
Заговоры сильные на деньги
Белый приворот
Заговор на привлечение денег
Заговоры сильные на деньги
Как вернуть любимую женщину
Заговор от порчи
Любовный приворот
صورة العضو الشخصية
عضو ماسى
 
مشاركات: 1938
اشترك في: يناير 2017
مشاركة غير مقروءةبواسطة Brianzoota » الأربعاء يناير 25, 2017 7:15 pm

Заговор на удачу и деньги


Заговор на удачу и деньги
Заговор на любовь парня
Белый приворот
Как снять порчу
Любовный приворот
Как снять порчу
Заговор на любовь парня
Приворот на парня
Заговор от алкоголизма
Заговор на деньги
صورة العضو الشخصية
عضو ماسى
 
مشاركات: 1938
اشترك في: يناير 2017

التالي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 4 زائر/زوار


العودة إلى شعبة البيولوجي